சிட்டுக்கு செல்ல சிட்டுக்கு ஒரு சிறகு முளைத்தது ….

சிறகில் இருந்து பிரிந்த இறகு ஒன்று காற்றின் தீராத பக்கங்களில் தனது கதையை எழுதி செல்கிறது - பேர் தெரியாத கவிஞன்

நாம் உயிருக்கு குடுக்கிற மதிப்பை முடிக்கு குடுப்பது இல்லை.

ஆனா evolution  பத்தி படிக்கிறவங்களுக்கு தான் மயிரின் அருமை தெரியும்.

உடம்பிலேயே பெரிய உறுப்பு எது ?

ஈரல் ?

இல்லவே இல்லை ,

பின்னே எது ?

தோல் .

தோல் தான் உங்க உடம்பின்  கவசம்  .

தோல் பல அடுக்குகளால் ஆனது , அதில் கடைசி இரண்டு அடுக்குகள் இறந்து போன செல்களால் ஆனது.

தோலில்  பலது காணப்படும் , என்னென்ன ?

வியர்வை சுரப்பி,மயிர் கால்கள் etc etc...

மயிரும் சிறகும் நெருங்கிய பந்தம் கொண்டவை .

ஆதி காலத்தில் ( அப்போது ஊர்வன உலகை ஆண்டு கொண்டிருந்தன ) பல்லிகளுக்கு எல்லாம் செதில்களே  இருந்தன .

நீங்க எப்பவுமே ஊர்ந்து போற மாதிரி ஆண்டவன் உங்களை படைத்தது இருந்தால் என்ன ஆகும் ?

வயித்துல இருக்க தோல் உறிஞ்சு போயிடாது ?

அதுனால் தான்  ஊர்வனவற்றிர்க்கு செதில்கள் (உரிந்த பின் செதில்கள் வந்து கொண்டே இருக்கும் )

பின்னர் ஊர்வன பறக்க ஆரம்பித்த பிறகு அவற்றிற்கு செதில்கள் தேவை படவில்லை .

தேவை பட்டது ………………………………………………………………

சிறகுகள் .

(பாலூட்டிகள் ஊர்வது இல்லை , மேலும் பனி யுகதினால் அதற்கு மயிரும் fur  உம் தேவை பட்டன - எடுத்துகாட்டு iceage mamooth யானை ).

(ஊர்வனவற்றிக்கு moulting -தோல் உரிக்கும் பழக்கம் இருக்கு , பறவைகளிலும் moulting உண்டு - சிறகு உதிர்தல் )

சிறகின் தேவை என்ன ?

முதல்ல பறத்தல் : ஏன் தோலோடயே glide பண்ண கூடாதா ?

 பறபதற்கு எடை குறைவான சிறகே உகந்தது , தடித்த தோல் கொண்டு  சில தூரம்  glide செய்வதே பெரிய விஷயம் .( பறவைகள் பறப்பதற்காக தங்களின் உடலமைப்பை மாற்றிய விதம் பெரிய கதை - விரும்பினால் கூற ரெடியா   இருக்கேன் )

ரெண்டாவது thermoregulation : வெயில் குளி ரில் இருந்து பாதுகாத்து கொள்ள

(ஏன் வேர்வை மூலம் thermoregulation பண்ணக்கூடாதா ?- பறவைகளுக்கு வேர்வை சுரப்பி இல்ல பாஸ் ).

மூணாவது diving : நீரில் செல்வதற்கு ஏற்றவாறு முளைத்த சிறகுகள்  .

சிறகு , மயிர் , செதில்கள் எல்லாமே plecode ( மொட்டு என்று அழைக்கலாமா ?  ) என்று ஒரு மொட்டிலிருந்து வளர்ந்தவை .

எளிதாக சொல்ல வேண்டும் என்றால் மொட்டு நீண்டு மயிராகியது , மொட்டு பிரிந்து சிறகாகியது .

நான் ஒரு வரியில இத சொல்லிட்டேன் , ஆனால் சிறகை அடைய பறவைகள் செய்த evolution ,"வா குவாட்டர் கட்டிங் ",படத்தில் சிவா குவாட்டரக்காக பட்ட கஷ்டத்தை விட சிக்கலானது  .

முதலில்  சிறகு எப்புடி இருக்கும் ? சிறகுகளின் வகைகள் என்ன ?

சிறகு என்பது ஒரு நீண்ட மூங்கில் குச்சியை போன்றது , நடூல பெரிய தண்டு , தண்டில் நிறைய கணுக்கள் , அதில் இருந்து சைடு குச்சிகள், சைடு குச்சிக்கு ரெண்டு பக்கம் இருந்தும் சின்ன சைடு குச்சிகள்  .

சிறகுகளில் நிறைய வகை இருக்கு , பறப்பதற்கு   உதவும் சிறகு , வாலில் இருக்கும் சிறகு , அழகுக்காக இருக்கும் சிறகு இப்படி பலவாறாக ...

நமக்கு தேவையான சில வகைகள பாப்போம்.

ஒரு நார்மல் சிறகு முந்தி நான் விவரித்து போல இருக்கும் .

குஞ்சுகள் பிறந்த உடனே முளைக்கும் சிறகை பார்த்திருப்பீர்கள் , அது down சிறகு என்று அழைக்கப்படுகிறது , இது குஞ்சுல ( கோழி குஞ்சுல ) மட்டும் அல்லாமல் பெரிய பறவைகள்ளையும் இருக்கும் ( வயிற்றுக்கு பக்கத்தில் ... )

இதன் முக்கிய  பங்கு குளிரில் இருந்து பாதுகாப்பது .

சிறகின் evolution:

1.முதலில் மொட்டு நீண்டது .

2.பின்னர் அது பிரிந்து பல filament ஆகியது - இதன் பெயர் proto feather .

( இப்போ அது கிட்டத்தட்ட down feather ஆகிவிட்டது - antogeny phylogeny யை recaptulate செய்கிறது பாருங்கள் ).

3.அதில் கிளைகள் முளைத்தன

இதன் பின்னர் சில பிலமென்ட் கள் கூடி நடு தண்டை உருவாக்கின.

4.இதன் பின்னர் கிளைகளிலிருந்து சைடு கிளைகள் உருவாகி சிறகு முளைத்தது .

என்ன கத விடுறியா ? என்று கவுண்டர் ஸ்டைலில் நீங்க கேட்பது எனக்கு கேட்கிறது .

இப்போ ஆதாரங்களுக்கு வருவோம் ,

amber (பிசின் ) பாடம் (baadam) :

எல்லோரும் ஜுராசிக் பார்க் படம் பார்த்திருப்பீர்கள் , அந்த படத்தின் அடிநாதமே , பல்லிகளின் காலத்தில் அவற்றை கடித்த ஒரு கொசு பிசினில் மாட்டிகொண்டு பாடமாகியிருக்கும்  , அதில் இருந்து பல்லியின் DNA வை எடுத்து புது பல்லி செய்வார்கள் .

அதில் பல்லி எலும்புகளை  தோண்டி எடுப்பதையும் காட்டுவார்கள் .

இவை எல்லாம் fossil என்று அழைக்கப்படும் .

இதில் பிசின் பாடத்தில் அது உயிரோடு இருந்த காலத்தில் எவ்வாறு இருந்ததோ அவ்வாறே அது காணப்படும் .(3d effect).

இது Beipiaosaurus பல்லியோட பாடங்கள் - இதற்கு மொட்டு நீண்டு முதல் stage  சிறகு சிறகு போல காணப்பட்டது .

Sinosauropteryx prima - இதற்கு proto feather  இருந்தது   

Dromaeosaurid (Microraptor)  (போன பதிவில் பாத்தோமே -glider ) -இதற்கு கிளைகள் முளைத்த சிறகு

 Archaeopteryx ,Confuciusornis போன்ற பல்லிகளுக்கு கிட்ட தட்ட  இப்போ இருக்கும் சிறகை போல வந்து விட்டது

இதில் என்ன ஒரு beauty ன்னா , போன பதிவில் கூறியபடி ,எவ்வாறு நான் கூறிய வரிசையில் கொஞ்ச கொஞ்சமாக gliding இல் இருந்து பறக்க தோன்றியதோ, அதே வரிசையில் இதன் சிறகு வளர்ந்த வரிசையும் இருக்கிறது ( இவற்றை எல்லாம் carbon dating மூலம் வயதை கணக்கிட்டு வரிசை படுத்தினார்கள் ).

இதை விட evolution க்கு என்ன ஆதாரம் வேணும் ?

அடுத்த முறை சிறகு கொண்டு காது குடையும் முன் இவற்றையும் கொஞ்சம் சிந்தித்து பாருங்கள் நண்பர்களே.